لاہور( این این آئی)مسلم لیگ (ن) کے قائد محمد نواز شریف سے ملاقات کیلئے آنے والے شریف خاندان کے افراد سے اظہاریکجہتی کیلئے لیگی کارکن بھی کوٹ لکھپت جیل کے باہر پہنچے اور قیادت کے حق میں نعرے لگاتے رہے ۔ تفصیلات کے مطابق نواز شریف کی والدہ بیگم شمیم اختر ، صاحبزادی مریم نواز اور بھتیجے حمزہ شہباز کی کوٹ لکھپت جیل آمد کی اطلاع پر کارکن بھی کوت لکھپت
جیل پہنچ گئے لیکن انہیں نواز شریف سے ملاقات کیلئے جیل کے اندر جانے کی اجازت نہ مل سکی ۔ شریف خاندان کے افراد کی آمد پر کارکنوں کی جانب سے نوازشریف کے حق میں نعرے لگائے جاتے رہے ۔ اس دوران ایک کارکن مریم نواز کی گاڑی سے ٹکرا گیا تاہم کارکن نے جوش میں نواز شریف کے حق میں بھرپور نعرے لگائے جس پر مریم نواز نے ہاتھ ہلا کر اس کے نعروں کا جواب دیا ۔
