اسلام آباد(آن لائن)العزیزیہ ریفرنس میں نواز شریف کی سزا بڑھانے کیلئے نیب نے اسلام آباد ہائی کورٹ سے رجوع کرنے کا فیصلہ کر لیا۔ ذرائع کے مطابق نیب نے العزیزیہ ریفرنس میں سابق وزیراعظم نواز شریف کی سزا بڑھانے کیلئے اسلام آباد ہائی کورٹ سے رجوع کرنے کا فیصلہ کیا ہے، اس حوالے سے نیب پراسیکیوشن ٹیم نے اپیل تیارکرلی جس میں کہا گیا ہے کہ نوازشریف کی 7 سال سزا کو بڑھایا جائے۔نیب اپیل میں کہا گیا ہے کہ سابق وزیراعظم نوازشریف نے خزانے کو نقصان پہنچایا تاہم سزاکم ہوئی جب کہ
استغاثہ نیٹھوس شواہد سے کیس ثابت کیا۔ ذرائع کے مطابق چیئرمین نیب جسٹس (ر) جاوید اقبال کی منظوری کے بعد آئندہ ہفتے اپیل دائر کی جائے گی۔ نیب کے مطابق نواز شریف کیخلاف العزیزیہ ریفرنس میں 22گواہوں اور ٹھوس شواہد پیش کئے جانے کے باوجود سزا کم سنائی گئی ہے۔ واضح رہے کہ احتساب عدالت نے سابق وزیر اعظم نواز شریف کو فلیگ شپ انویسٹمنٹ ریفرنس میں بری کرتے ہوئے العزیزیہ اسٹیل ملز ریفرنس میں 7 سال قید جب کہ ڈیڑھ ارب روپے اور 25 ملین ڈالر جرمانے کی سزا کا حکم سنایا تھا۔
