دُبئی (نیوز ڈیسک) متحدہ عرب امارات کے سکولوں میں اس وقت سرمائی تعطیلات ہو چکی ہیں جس کی وجہ سے وہاں رہنے والے غیر ملکی باشندے اپنے اپنے ملک عزیز رشتہ داروں سے ملنے کے لیے جارہے ہیں، خصوصاً پاکستانی بھی اپنے وطن کا رخ کر رہے ہیں، اس موقع پر امارات ائیر لائنز نے اپنے مسافروں کو خوشخبری سناتے ہوئے اپنے ٹکٹوں میں خصوصی رعایت کا اعلان کر دیا ہے، امارات ایئر لائنز کی طرف سے لاسٹ منٹ ہالی ڈی ڈِیلز کے نام سے شاندار رعایتی آفر

دی جا رہی ہے اور اس آفر کے تحت دنیا بھر کے درجنوں مقامات کے لیے ٹکٹوں کی قیمتیں کم کر دی گئی ہیں، یہ رعایتی پیکج 30 جون 2019ء تک جاری رہے گا، اس پیکج کے تحت کراچی کا کرایہ صرف 1,095 درہم رکھا گیا ہے۔ کراچی کے علاوہ دہلی، ممبئی، چنئی، احمد آباد اور حیدر آباد کے کرایوں میں بھی نمایاں کمی کی گئی، خلیجی ممالک کے کرایوں میں بھی خصوصی رعایت دی گئی ہے، ان تمام مذکورہ مقامات کا کرایہ گیارہ سو درہم سے کم رکھا گیا ہے۔

موضوعات:امارات ائیر لائن