پشاور (این این آئی) چیئر مین نیب جسٹس ریٹائرڈ جاوید اقبال نے واضح کیا ہے کہ دھمکیوں کے ذریعے نیب کو خاموش نہیں کروایا جاسکتا ٗ ہمارا ہر قدم قانون کے دائر ے میں رہتے ہوئے ملک سے بد عنوانی کا خاتمہ ہے ٗنیب اپنی پر فارمنس اور کارکردگی سے پراپیگنڈہ کا مقابلہ کر نے پر یقین رکھتا ہے ٗہمارا ہر قدم قانون کے دائر ے میں رہتے ہوئے ملک سے بد عنوانی کا خاتمہ ہے۔
بدھ کو چیئر مین نیب جسٹس (ر)جاوید اقبال نے نیب خیبر پختونخوا کا دورہ کیا اس موقع پر ڈی جی نیب خیبر پختونخوا نے چیئر مین نیب کو میگا کرپشن مقدمات کے بارے میں بریفنگ دی ۔ چیئر مین نیب نے گفتگو کرتے ہوئے کہا کہ میگا کرپشن کے واٹ کالر مقدمات کو منطقی انجام تک پہنچانا نیب کی اولین ترجیح ہے ۔چیئر مین نیب نے کہاکہ نیب میں میگا کرپشن کے مقد مات الماریوں اورفائلوں سے نکال کر ہم نے اس سال 440بد عنوانی کے ریفرنس دائر کیے ۔ چیئر مین نیب نے کہاکہ بد عنوانی کیخلاف نیب کی زیرو ٹالرنس کی پالیسی ہے ۔ نیب کے خلاف منظم پراپیگنڈہ کیا جا رہا ہے مگر نیب اپنی پر فارمنس اور کارکردگی سے پراپیگنڈہ کا مقابلہ کر نے پر یقین رکھتا ہے ۔چیئر مین نیب نے کہا کہ کے پی کے میں میگا کرپشن کے مقدمات کو شفاف ، میرٹ ، ٹھوس شواہد اور قانون کے مطابق منطقی انجام تک پہنچایا جائیگا ۔چیئر مین نیب نے کہاکہ دھمکیوں کے ذریعے نیب کو خاموش نہیں کروایا جا سکتا ۔ انہوں نے کہاکہ ہمارا ہر قدم قانون کے دائر ے میں رہتے ہوئے ملک سے بد عنوانی کا خاتمہ ہے۔
