اسلام آباد(آئی این پی )پاکستان پیپلزپارٹی پنجاب کے سیکرٹری اطلاعات حسن مرتضیٰ نے کہا ہے کہ ٹیریان وائٹ بھی انصاف کی منتظر ہیں، عمران خان پاکستان کے قانون سے تو بچ سکتے ہیں مگر امریکی قانون سے نہیں بچ سکتے، اس لئے عمران خان اقوام متحدہ کے اجلاس میں شرکت کرنے نہیں گئے۔ منگل کواپنے بیان میں حسن مرتضیٰ نے کہا کہ جو شخص اپنی بیٹی کو انصاف نہ دے
سکے وہ قوم کو کیا انصاف دیں گے۔ انہوں نے کہا کہ المیہ یہ ہے کہ انتخابی نتائج چوری کرکے ایسے شخص کو قوم پر مسلط کر دیا گیا ہے جس نے خیرات و صدقات کی رقم بھی نہیں چھوڑی۔ انہوں نے کہا کہ پاکستان اگرواقعی مدینہ جیسی ریاست بن گیا تو عمران خان کی خیر نہیں۔ ٹیریان کی فریاد پر انہیں کوڑے بھی پڑیں گے اور چندہ چوری کے جرم میں ان کے ہاتھ بھی کاٹے جائیں گے۔
