لاہور/گوجرانوالہ( نیوزڈیسک) کاؤنٹر ٹیررازم ڈیپارٹمنٹ نے کامیاب کارروائی کر کے کرسمس پر دہشتگردی کا منصوبہ ناکام بنا کر4دہشتگردوں کو گرفتار کرلیا ،کالعدم تنظیم سے تعلق رکھنے والے دہشتگردوں سے اسلحہ اور بارودی مواد بھی برآمد کیا گیا ہے ۔سی ٹی ڈی کے ترجمان کے مطابق انٹیلی جنس بیسڈ آپریشن کے تحت گوجرانوالہ فرانسس آباد شیخوپور ہ روڈ کامیاب کارروائی
کر کے کالعدم تنظیم سے تعلق رکھنے والے چار دہشتگردوں کو گرفتار کر کے ان کے قبضے سے بارودی مواد اور اسلحہ برآمد کر لیا گیا۔گرفتار دہشتگردوں میں محمد تواسین، محمد جنید، منیر احمد اور تاج محمد شاہ شامل ہیں۔ترجمان کے مطابق گرفتار دہشتگرد کرسمس کی تقریبات کو ہدف بنانا چاہتے تھے ۔چاروں دہشتگردوں کو مزید تفتیش کے لئے نامعلوم مقام پر منتقل کر دیا گیا۔
