لاہور(نیوز ڈیسک)مسلم لیگ (ن) کے اراکین اسمبلی ، رہنمائوں اور کارکنوں نے کوٹ لکھپت کے باہر اظہار یکجہتی کیلئے دئیے جانے والے دھرنے کے موقع پر پارٹی قائد محمد نواز شریف کی 69ویں سالگرہ کا کیک بھی کاٹا، کارکن کیک پر ٹوٹ پڑے اور چھینا چھپٹی میں کئی کارکنوں کے کپڑے خراب ہو گئے ۔ تفصیلا ت کے مطابق سابق وزیر اعظم نواز شریف کو راولپنڈی سے لاہور کی جیل میںمنتقل کرنے کے موقع پر ان سے اظہار یکجہتی کیلئے مسلم لیگ (ن) کے اراکین اسمبلی، رہنمائوں ، بلدیاتی نمائندوں

اور کارکنوںکی ایک بڑی تعداد کوٹ لکھپت جیل باہر کی موجود تھی ۔ بعد ازاں لیگی رہنمائوں اور کارکنوں کی جانب سے پھاٹک گیٹ پر دھرنا دیا گیا اور اسی دوران نواز شریف کی 69ویں سالگرہ کا کیک بھی کاٹا گیا ۔ اس موقع پر کارکن کیک پر ٹوٹ پڑے اور کیک کے حصول کیلئے چھینا چھپٹی کرتے رہے جس سے کئی کارکنوںکے کپڑے خراب ہو گئے ۔ کیک چھیننے کے بعد کارکن پرجوش انداز میں نواز شریف کے حق میں نعرے بھی لگاتے رہے ۔ بد نظمی کے دوران کیک رکھنے کیلئے لایا گیا میز بھی ٹوٹ گیا۔