اسلام آباد(مانیٹرنگ ڈیسک)یوں تو عموماََ ٹی وی ٹاک شوز میں مختلف سیاسی حریفوں کے درمیان گرما گرمی ہوتی رہتی ہے تاہم اس بار پر رانا ثنا اور فیاض الحسن چوہان جب ایک نجی ٹی وی کے ٹاک شو میں آمنے سامنے آئے تو دونوں نے ایک دوسرے کو ایسے ایسے القابات سے نواز دیا اورایک دوسرے کے بارے میں غیر پارلیمانی الفاظ کا استعمال کرتے رہے ، اینکر کے منع کرنے کے باوجود یہ سلسلہ تھما نہیں۔ رانا ثنا اللہ نے فواد چوہدری کو ’جہلم کا ڈبو‘اور شیخ رشید
کو ’پنڈی کا شیطان‘کے غیر مناسب اور غیر اخلاقی القابات سے پکارا تو پروگرام میں شریک صوبائی وزیر اطلاعات و ثقافت فیاض الحسن چوہان نے بھی مورچہ سنبھالتے ہوئے غیر اخلاقی الفاظ کی فائرنگ شروع کر دی اور سابق صوبائی وزیر قانون رانا ثنا اللہ کو بے شرم، قاتل، مونچھوں والا باندر جیسے القامات سے نوازتے رہے۔ اس دوران پروگرام کے اینکر کے منع کرنے اور بار بار مداخلت کے باوجود دونوں نے ایک دوسرے کے خلاف غیر اخلاقی حملے جاری رکھے۔
