اسلام آباد (نیوزڈیسک)پاکستان مسلم لیگ (ن)کے قائد ٗ سابق وزیر اعظم محمد نوازشریف نے کہا ہے کہ حوصلہ اللہ دیتا ہے ٗ میں نے حوصلہ نہیں چھوڑا ٗ مریم کو عدالت آنے سے میں نے روک دیا تھا ٗشہباز شریف، مریم نواز، میری گرفتاری اور میری بیگم کی وفات کے بعد میری والدہ اداس ہیں ٗ مریم کو اپنی والدہ کے پاس چھوڑا ہے ۔ پیر کو احتساب عدالت کے فیصلے کے بعدَ نواز شریف نے صحافیوں سے غیر رسمی گفتگوکرتے ہوئے کہاکہ حوصلہ اللہ دیتا ہے ٗمیں نے حوصلہ نہیں چھوڑا ٗمیرا عزم بلند اور مضبوط ہے۔ اس موقع پر صحافی نے سوال کیا کہ مریم نواز نے

آنا تھا کیوں نہ آئیں؟ جس پر نوازشریف نے جواب دیا کہ مریم نواز کو میں نے روکا، وہ یہاں آکر پریشان ہوتیں۔انہوں نے کہاکہ میری والدہ 85 سال کی ہیں، مریم کو انکے پاس چھوڑا۔ نوازشریف نے کہاکہ شہباز شریف، مریم نواز، میری گرفتاری اور میری بیگم کی وفات کے بعد میری والدہ اداس ہیں۔ سابق وزیراعظم نے کہا کہ میری والدہ کی اداسی سے میرا دل روتا ہے۔انہوں نے کہا کہ میری چھو ٹی صاحبزادی بھی انگلینڈ سے آنا چاہتی تھی لیکن انہیں بھی منع کیا ۔اس موقع پر سابق وزیر اعظم نواز شریف نے میڈیا اور اس موقع پر موجود تمام صحافیوں کا شکریہ ادا کیا۔