اسلام آباد (مانیٹرنگ ڈیسک) نیب اب تک نواز شریف کو کسی بھی جائیداد کا مالک ثابت نہیں کر سکا، ماہر قانون اور تجزیہ نگار نے ایک نجی ٹی وی چینل کے پروگرام میں حیرت انگیز پیش گوئی کر دی، انہوں نے کہا کہ عدالت نے بار ثبوت نیب پر رکھا تو نواز شریف کے چھوٹ جانے کے واضح امکانات ہیں اگر بار ثبوت عدالت نے نواز شریف پر رکھا تو پھر مشکلات پیدا ہو سکتی ہیں، اب تک نیب میاں نوازشریف کوکسی بھی جائیداد کا مالک ثابت نہیں کر سکا ہے۔ ماہر قانون سعد رسول نے گفتگو
کرتے ہوئے کہا کہ دفاعی کیس لڑنا آسان ہوتا ہے مگر میاں نواز شریف کا کیس صرف دفاعی کیس نہیں ہے بلکہ ایک ایسے نظام کا کیس ہے جس نے اس ملک پر پچھلے ستر برس سے قبضہ کر رکھا ہے۔ انہوں نے کہا کہ نیب اور جے آئی ٹی اس معاملے پر خاموش ہے کہ نوازشریف نے پیسے کہاں سے لیے اور اب تک نیب نوازشریف کو کسی بھی جائیداد کا مالک بھی ثابت نہیں کر سکا، جے آئی ٹی نے یہ بات بھی مانی ہے کہ میاں نواز شریف کے وا لد میاں شریف کاروبار کے نگران تھے۔
