اسلام آباد (این این آئی) وفاقی کابینہ کے اجلاس میں وزیر ریلوے شیخ رشید نے بھوک لگنے پر وزیراعظم سے کھانے کا مطالبہ کردیا جس پر وزیراعظم عمران خان نے انہیں ڈائٹنگ کا مشورہ دیدیا۔نجی ٹی وی کے مطابق وزیراعظم کی زیر صدارت ہونیوالے وفاقی کابینہ کے اجلاس میں وزیرریلوے شیخ رشید کو بیٹھے بیٹھے بھوک لگ گئی اور ان سے بھوک برداشت نہ ہوئی تو انہوں نے وزیراعظم کی کفایت شعاری مہم کا
بھی لحاظ نہ کرتے ہوئے وزیراعظم سے شکوہ کیا کہ وفاقی کابینہ کا اجلاس چھ چھ گھنٹے طویل ہوتا ہے، اجلاس میں یا تو کھانا دیا جائے یا ہمیں لنچ باکس لانے کی اجازت دی جائے۔وزیرریلوے کے شکوے پر وزیراعظم نے کھانے کا آرڈر دینے کے بجائے ہدایت کی کہ وفاقی کابینہ کے ارکان کی اکثریت کو لنچ کی نہیں بلکہ ڈائٹ کی ضرورت ہے۔وزیراعظم کے جملے پر وفاقی کابینہ اجلاس میں قہقہے گونج اٹھے۔
