ممبئی(این این آئی)بھارتی کامیڈین اداکارکپل شرما ٹی وی سکرین پرواپس آگئے۔کپل شرما وہ نام ہے، جن کے پرستار صرف بھارت میں ہی نہیں بلکہ پاکستان میں بھی لاکھوں کی تعداد میں ہیں، مگر لگتا ہے کہ 2017 اور 18 میں سامنے آنے والی مشکلات نے ان کی شخصیت کو بری طرح متاثر کیا، مگر اب وہ ایک بار پھر نئے جذبے کے ساتھ چھوٹی اسکرین کا رخ کررہے ہیں۔گزشتہ ہفتے وہ اپنی قریبی ساتھی گنی چتراتھ کے ساتھ رشتہ ازدواج سے منسلک ہوئے اور اب ان کا کپل شرما شو ایک بار پھر بھارت

کے سونی ٹی وی میں لوٹ رہا ہے۔یہ شو 29 دسمبر سے شروع ہورہا ہے اور اس کے افتتاحی شو کا پہلا ٹیزر بھی سامنے آگیا ہے، جس کو دیکھ کر لگتا ہے کہ معروف کامیڈین ماضی کی مشکلات بھلا کر نئے سفر کے لیے تیار ہیں کپل اور ککو کی مزاحیہ تکرار معروف کامیڈین کے اچھے دنوں کی یاد دلاتی ہے۔خیال رہے کہ رواں سال جون میں کپل شرما کی ایسی تصاویر سامنے آئی تھیں جس نے ان کے مداحوں کو پریشان کردیا تھا۔جنوری 2017 میں سنیل گروور سے لڑائی کے بعد ان کا زوال شروع ہوا۔