ممبئی (آئی این پی) بالی ووڈاداکار سیف علی خان کی صاحبزادی سارہ علی خان کو ایکشن سے بھرپو فلم باغی کے تیسرے سیکوئل میں اداکاری کی پیشکش کی گئی ہے۔بھارتی میڈیا رپورٹس کے مطابق فلم ساز ساجد نادیا والا نے فلم باغی 3 کے لیے اداکارہ سارہ علی خان کو اداکاری کی پیشکش کی ہے جس میں ان کے ہمراہ ٹائیگر شروف کام کریں گے۔فلم باغی 2016 میں ریلیز ہوئی تھی جس میں ٹائیگر شروف کے ساتھ اداکارہ شردھا کپور نے کام کیا تھا جبکہ رواں برس اس کا سیکوئل ریلیز کیا گیا۔

جس میں اداکارہ دیشا پٹانی نے کام کیا۔تاہم فلم کے تیسرے سیکوئل کے لیے سارہ علی خان کو پیشکش کی گئی ہے ۔فلم کڈر ناتھ سے شاندار ڈیبیو کرنے والی اداکار ہ سارہ علی خان ان دنوں فلم نگری میں سب کی توجہ کا مرکز ہیں جنہیں اداکار ٹائیگر شروف کے ساتھ کام کرنے کی پیشکش کی گئی ہے۔واضح رہے کہ اس وقت سارہ علی خان معروف ہدایت کار روہت شیٹھی کی فلم سمبا میں رنویر سنگھ کے ہمراہ جلوہ بکھیرتی نظر آئیں گی جو رواں ماہ ہی 28 دسمبر کو سنیما گھروں کی زینت بنے گی۔

موضوعات:سارہ علی خان