ممبئی (آئی این پی) بالی ووڈ کے پلے بوائے اداکار عمران ہاشمی نے انکشاف کیاہے کہ وہ اسکول اور کالج کے دنوں میں نقل کرکے پاس ہوئے تھے جس پر وہ خاصے شرمندہ ہیں۔ اداکار عمران ہاشمی نے بھارتی میڈیا سے گفتگو میں ایک سوال کے جواب میں کہاہے کہ وہ ایک بار نقل کرکے پاس ہوئے تھے۔عمران ہاشمی ان دنوں اپنی
نئی فلم چیٹ انڈیا کی تشہیر کررہے ہیں۔ فلم کی کہانی تعلیمی اداروں میں طالبعلموں کی نقل کی کہانی ہے کہ کیسے امیر لوگوں کے بچے بغیر پڑھے سیٹیں لیتے ہیں۔ کیسے پیسے اور رشوت کیزور پر غریب اور ذہین بچوں کو پیچھے کیاجاتاہے۔ہندوستان کے کرپٹ تعلیمی نظام کی کہانی کو فلم میں بیان کیاگیاہے۔
