لاہور(نیوزڈیسک)پاکستان کی ٹی ٹونٹی ٹیم کے کپتان شاہد آفریدی نے ہندوستانی بالر ایشانت شرما کو سب سے مشکل بالر قرار دیتے ہوئے کہا ہے کہ ان کی گیند پر آسانی سے شاٹ نہیں کھیلی جا سکتی ۔ایک انٹر ویو میں بو م بوم آفریدی نے کہا کہ انہیں ایشانت شرما سب سے مشکل بالر لگتے ہیں ۔ایک سوال کے جواب میں انہوں نے کہا کہ 2009 کے ورلڈ ٹی ٹونٹی میں فتح کے بعد انہوں نے ڈانس کیا تھا کیونکہ وہ ایک خوشی کا موقع تھا اور ٹیم کے کھلاڑیوں نے کہا تھا کہ میں بہت اچھا ڈانس کرتا ہوں۔شاہد آفریدی نے جنوبی افریقی کپتان اے بی ڈی ویلیئرز کو ٹی ٹوئنٹی کا سب سے بہترین کھلاڑی قرار دیا۔اگر اے بی ڈی ویلیئرز کی کارکردگی کا جائزہ لیا جائے تو وہ ہر طرز کی کرکٹ کھیل سکتا ہے اور ہر طرح کا شاٹ کھیل سکتا ہے چاہے وہ کرکٹ کی کتاب میں ہو یا نہیں۔آفریدی نے 2009 کے ورلڈ ٹی ٹونٹی کے سیمی فائنل میں جنوبی افریقہ اور فائنل میں سری لنکا کے خلاف کارکردگی کو اپنے ٹی ٹونٹی کیریئر کی سب سے بہترین کارکردگی قرار دیا