اسلام آباد(مانیٹرنگ ڈیسک) معروف صحافی چوہدری غلام حسین نے نجی ٹی وی پروگرام میں گفتگو کرتے ہوئے کہنا ہے کہ پی ٹی آئی  بارے میں تو بہت باتیں ہو رہی ہیں لیکن پچھلی حکومت جو گھپلے کر گئی ہے وہ سامنے آ جائے گا۔گوادر کی جوائنٹ انوسٹی گیشن  میں سامنے آ گیا ہے کس طرح کھربوں روپے لوٹے گئے۔یتیموں اور بیواؤں کے پلاٹوں پر بندر باٹ کی گئی۔مریم نواز نے 200 ایکڑ زمین اپنے ایک قریبی دوست کو دلوا دی۔

اگر مریم نواز چاہتی ہیں تو آئیں اور اس بات کی تردید کریں۔میں یہ خبر دے رہا ہوں کہ مریم نواز نے اربوں کی زمین کوڑیوں کے داموں دے دی اور یہ زمین گوادر میں دی گئی،جس پر پروگرام میں موجود صحافی نے کہا کہ یہ وہی لوگ تو نہیں جن کا تعلق اسلام آباد ائیرپورٹ سے بھی ہے؟چوہدری غلام حسین کا کہنا ہے کہ یہ بہت بڑا انکشاف ہے کہ اربوں روپے کی زمین کوڑیوں کے داموں دے دی گئی جس پر نیب کا ریفرنس بھی بنتا ہے۔