ممبئی (این این آئی)بالی ووڈ کے ایکشن ہیرو اکشے کماراور سپر اسٹار رجنی کانت کی نئی آنے والی سائنس اور ایکشن سے بھرپور فلم ’’2.0‘‘ (آج) 29نومبر کو سینما گھروں میں نمائش کیلئے پیش کی جائیگی جبکہ فلم میں برطانوی اداکارہ ایمی جیکسن بھی اہم کردار میں نظر آئیں گی ۔ واضح رہے کہ 543 کروڑ کے میگا بجٹ سے بننے والی فلم2.0 نہ صرف بھارت بلکہ دنیا بھر کی 10 میگا بجٹ فلموں میں شامل ہوگئی ہے۔فلم زیرو پوائنٹ ٹو میں اکشے کمار کے کردار کی عکسبندی جہاں مداحوں کو حیران کر گئی وہیں برطانوی
اداکارہ ایمی جیکسن کے ایکشن سے بھرپور ویڈیو بھی سوشل میڈیا پر وائرل ہو رہی ہے۔رپورٹ کے مطابق کچھ سینما میں بکنگ فل ہوچکی ہے دوسری جانب فلم نے ریلیز سے قبل ہی 120 کروڑ روپے کی ایڈوانس(پیشگی) بکنگ ہوچکی ہے۔فلم ’’2.0‘‘ میں اکشے کمارایک یا 2 نہیں بلکہ 12 مختلف اقسام کے روپ دھاریں گے جس میں خوفناک اور سائنس دان کا روپ بھی شامل ہے جب کہ فلم میں رجنی کانت بھی 5 الگ انداز میں نظر آئیں گے اور اس طرح یہ دونوں اداکاروں کی کئی روپ بدلنے والی پہلی فلم ہے۔
