اسلام آباد (نیوز ڈیسک)سابق وزیر اعظم میاں نواز شریف نے کہاہے کہ این آر او کی باتیں مفروضوں پر مبنی ہیں، این آر او کرنے والا لندن سے آکر جیل نہیں جاتا۔نواز شریف العزیزیہ ریفرنس میں احتساب عدالت میں بیان ریکارڈ کرانے پہنچے، اس موقع پر صحافیوں سے غیر رسمی گفتگو کرتے ہوئے انہوں نے کہا کہ میں اکیلا نہیں بلکہ بیٹی کے ساتھ جیل گیا ہوں۔انہوں نے

صحافیوں سے سوال کیا کہ پاکستان کو دنیا کی ساتویں ایٹمی طاقت بنانے والے شخص سے ایسا سلوک کیوں کیا جا رہا ہے؟میاں نواز شریف نے کہا کہ میں ایٹمی دھماکے کرنے کا فیصلہ نہ کرتا تو جنوبی ایشیاء میں صرف بھارت ہی ایٹمی طاقت ہوتا۔انہوں نے کہا کہ میں ایٹمی دھماکے نہ کرنے کا فیصلہ کرتا تو ہمیں ہر طرف سے جارحیت کا سامنا رہتا۔