برلن، گجرات( آن لائن )صوبہ پنجاب کے شہر گجرات میں پولیس نے پاکستان چھوڑ کر جرمنی مقیم ہونے والے شخص کے خلاف توہین مذہب کا مقدمہ درج کرلیا۔پولیس کی جانب سے ملزم کے خلاف سماجی رابطوں کی ویب سائٹس پر ویڈیو وائرل ہونے کے بعد مقدمہ درج کیا گیا۔گاں کتھالہ چناب کے رہائشی عمران رفیق کی جانب سے گجرات کی صدر پولیس اسٹیشن میں مقدمہ درج کرایا گیا الزام لگایا گیا کہ ملزم نے توہین مذہب کی ہے۔واضح رہے کہ ملزم گاں کا رہائشی تھا اور وہ کئی سالوں قبل
جرمنی میں مقیم ہوگیا تھا۔پولیس کو درج کرائے گئے مقدمے میں الزام لگایا گیا کہ ملزم نے 11 نومبر کو اپنی گستاخانہ ویڈیو ایک ویب ٹیلی ویژن پر چلائی جبکہ یہ ویڈیو یوٹیوب اور دیگر سماجی رابطوں کی ویب سائٹس پر بھی موجود تھی۔شکایت کنندہ کی جانب سے یہ بھی مطالبہ کیا گیا کہ ملزم کو جرمنی سے واپس لایا جائے اور قانون کے مطابق سزا دی جائے۔انہوں نے مطالبہ کیا کہ ملزم کے اہل خانہ اور اس شخص کے خلاف کارروائی کی جائے جو اس طرح کی گستاخانہ گفتگو میں اس کے ساتھ تھا۔
