اسلام آباد(مانیٹرنگ ڈیسک)برطانیہ کا آسیہ بی بی کو پناہ دینے سے انکار۔غیرملکی میڈیا رپورٹس کے مطابق برطانیہ نے آسیہ بی بی کی اپیل مسترد کردی کیونکہ انہیں توہین رسالت کے الزام میں 9سال قید کاٹنے والی خاتون کو پناہ دینے پر بیرون ملک اپنے سفارتکاروں کی سکیورٹی کے خدشات ہیں۔برٹش پاکستانی کرسچئن ایسوسی ایشن کے چیئرمین ولسن چودھری نے بتایاکہ دو ممالک نے آسیہ بی بی کو پناہ کی پیشکش کی ہے لیکن برطانیہ ان میں نہیں ہے ۔ان کاکہناتھاکہمجھے یقین ہے کہ برطانوی حکومت کو تحفظات ہیں
کیونکہ خاتون کی برطانیہ منتقلی سے سکیورٹی خدشات اور کمیونٹی کے کئی افراد میں بے چینی پھیلے گی اور بیرون ملک برطانوی سفارتکاروں کو بھی خدشات لاحق ہوں گے۔انہوں نے تصدیق کی ہے کہ آسیہ اور اس کی فیملی سخت سکیورٹی میں تاحال پاکستان میں ہیں ۔ذرائع کے مطابق پناہ دینے سے انکار کی سفارتی سطح پر تصدیق نہیں ہوسکی لیکن برطانوی ہوم آفس کاکہناہے کہ وہ انفرادی معاملات پر تبصرہ نہیں کرسکتے ۔واضح رہےکہ سپریم کورٹ نے آسیہ بی بی کو توہین رسالت کیس سے بری کردیا تھا۔
