اسلام آباد(مانیٹرنگ ڈیسک)نجی ٹی وی کے معروف اینکر ملک منظور نے انکشاف کیا ہے کہ مولانا سمیع الحق اپنے قاتلوں کو جانتے تھے، جب قاتل ان سے ملنے کیلئے آئے تو انہوں نے ملازمین کو باہر بھجوا دیا تھا۔ اینکر ملک منظور کا کہنا تھا کہ قریبی ذرائع بتاتے ہیں کہ مولانا سمیع الحق حملہ آوروں کو جانتے تھے، گھریلو ملازمین سے ابتدائی تفتیش میں یہ بات سامنے آئی ہے کہ کچھ لوگ مولانا سے ملنے آئے تھے، ملازم باہر سے سودا سلف بھی لیکر آئے
پھر ان سے مولانا سمیع الحق نے کہا کہ آپ لوگ باہر جائو میں نے ان سے کچھ بات کرنی ہے ، یہاں سے ثابت ہوتا ہے کہ حملہ آور مولانا کے جاننے والے تھے اس میں غیر ملکی ہاتھ کو بھی خارج ازامکان قرار نہیں دیا جا سکتا۔ کچھ طالبان دھڑوں پر بھی شک کیا جا رہا ہے۔ مولانا سمیع الحق کے طالبان کے ساتھ بہت اچھے تعلقات تھے۔ طالبان ان کے مدرسے کے طالب علم رہے ہیں، طالبان کے ساتھ مذاکراتی عمل میں مولانا سمیع الحق کا انتہائی مثبت کردار رہا ہے۔
