صنعاء(این این آئی)یمن کے ساحلی علاقے الحدیدہ میں سرکاری فوج نے ایرانی حمایت یافتہ حوثی باغیوں کے خلاف ایک بڑے آپریشن کا آغاز کر دیا ہے۔دوسری جانب مشرقی الحدیدہ میں سرکاری فوج اور باغیوں کے درمیان خون ریز جھڑپوں کی اطلاعات ہیں۔عرب ٹی وی کے مطابق مشرقی الحدیدہ میں سرکاری فوج اور باغیوں کے درمیان ایک دوسرے پر درمیانے اور بھاری ہتھیاروں سے حملے کیے

جا رہے ہیں۔16 کلو میٹر نامی علاقے میں پیش قدمی کے بعد العمالقہ بریگیڈ کے حملوں میں 36 حوثی باغی ہلاک اوردرجنوں زخمی ہوئے ۔خیال رہے کہ یمن کی سرکاری فوج نے جمعرات اور جمعہ کے روز الحدیدہ گورنری کے مختلف مقامات پر حوثی باغیوں کے ٹھکانوں پر وسیع پیمانی پر بمباری کی۔ بمباری میں الحدیدہ کے جنوبی داخلے راستوں پر قائم باغیوں کے مراکز کو خاص طور پر نشانہ بنایا گیا۔

موضوعات:الحدیدہ،یمن،حوثی باغی،آپریشن،یمنی فوج