اسلام آباد(مانیٹرنگ ڈیسک) مولانا فضل الرحمن کی جان کوبھی خطرات لاحق، جمعیت علمائے اسلام (ف) کے سربراہ کو آگاہ کردیا گیا،نجی ٹی وی کے مطابق ایس ایس پی پشاور جاوید اقبال کی جانب سے فضل الرحمن کو لکھے گئے خط میں ان کو جان کودرپیش خطرے سے آگاہ کیا گیاہے ۔خط کے مطابق جے یو آئی (ف) سربراہ کی جان کو خطرہ ہے اور انٹیلی جنس اداروں کی طرف سے پولیس
حکام کو مولانا فضل الرحمن کی جان کو خطرے سے متعلق آگاہ کردیا گیاہے ۔انہیں خبردار کیا گیا ہے کہ ایسے حالات میں ان کا پشاور میں احتجاجی ریلی میں شرکت کرنا خطرے کا باعث ہو سکتا ہے ۔ پولیس کی جانب سے ایسے حالات میں احتجاجی ریلی میں شرکت نہ کرنے کا مشورہ بھی دیا گیا ہے ۔ واضح رہے کہ گزشتہ روز مولانا سمیع الحق کو ان کے گھر پر نامعلوم افراد نے قتل کر دیا تھا۔
