پشاور(این این آئی)پاکستان مسلم لیگ(ن)خیبرپختونخواکے صوبائی صدرانجینئرامیرمقام نے کہاہے کہ اپنے اندریاباہرہونے کاکوئی فکرنہیں مگرملک وطن عزیزکافکرلاحق ہے کہ اناڑی ڈرائیورکے ہاتھوں لگاہے کہیں گہری کھائی میں نہ گرجائیں۔انہوں نے کہاکہ سب کوچورڈاکوکہنے سے عوام کی خدمت نہیں ہوتی اورنہ مسائل کم ہوتے ہیں،جس کے پاس اپنی کوئی کارکردگی یاایجنڈانہ ہووہ اس قسم کے شوشے چھوڑکرعوام کی توجہ ہٹانے کی ناکام کوشش کرتے ہیں۔ انہوں نے کہا کہ ایک آئی جی کا تبادلہ

نہ کرنیوالے NROکی باتیں نہ ہی کریں توبہترہے،ہمیں حکومت کیخلاف تحریک چلانے کی کوئی ضرورت نہیں کچھ عرصے بعدوہی لوگ سڑکوں پرہوں گے جنہوں نے تحریک انصاف کوووٹ دیاتھا۔ان خیالات کااظہارانہوں نے قومی احتساب بیورودفترپشاورمیں جیب جے آئی ٹی کے سامنے پیش ہونے کے بعد ذرائع ابلاغ کے نمائندوں سے بات چیت کرتے ہوئے کیا۔انجینئرامیرمقام نے کہاکہ عمران نیازی کے حکومت کو100پورے ہونے کوہے،عوام سے جتنے جھوٹے وعدے کئے تھے ہم وہ یاد دلاتے رہیں گے۔