ماسکو(این این آئی)سعودی فرماں روا شاہ سلمان بن عبدالعزیز آل سعود نے ٹیلیفون پر روس کے صدر ولادی میر پوتین کے ساتھ گفتگو کی۔بات چیت کے دوران دونوں سربراہان نے سعودہ عرب اور روس کے درمیان قائم خصوصی تعلقات اور تعاون اور رابطہ کاری کے شعبوں پر تبادلہ خیال کیا۔اس دوران خادم حرمین شریفین نے روسی صدر کو سعودی شہری جمال خاشقجی کے قتل کے

سلسلے میں تمام تر حقائق جاننے کے لیے مملکت کی جانب سے کیے جانے والے اقدامات اور تحقیقات سے آگاہ کیا۔ شاہ سلمان نے یہ بھی باور کرایا کہ ان کی حکومت قصور وار ثابت ہونے والوں کے احتساب اور ان کو کڑی سزا دینے کا مصمّم ارادہ رکھتی ہے۔دوسری جانب صدر پوتین نے مملکت کی جانب سے کیے جانے والے اقدامات اور حالیہ تحقیقات کی شفافیت پر اپنے اعتماد کا اظہار کیا۔

موضوعات:روس،سعودی عرب،ترکی،جمال خاشقجی،خاشقجی کیس،شاہ سلمان،ولادی میرپوتین