نئی دہلی، کابل، تہران(آئی این پی)ایران، بھارت اور افغانستان سمندری راستے چاہ بہار کے ذریعے ایک دوسرے سے منسلک ہو گئے ہیں، گوادر بندرگاہ چین اور پاکستان بیچ اقتصادی راہداری اس رابطے کو مکمل کرے گی۔ بین الاقوامی خبر رساں ادارے کے مطابق ایران۔ بھارت اور افغانستان ٹرانزٹ راہداری تعاون پر مبنی ضابطہ مطابقت پر دستخط کردیے گئے ہیں۔
تہران کے ہوٹل میں منعقدہ کوآرڈینیشن اجلاس میں ایرانی سمندری و بندرگاہ امور کے ڈائریکٹرمنیجر محمد راستاد ، افغان ناب وزیر مواصلات امام الدین ویری ماچ اور بھارتی قائمقام وزیر خارجہ تیرو مرتی نے شرکت کی۔اس موقع پر محمد راستاد نے کہا کہ چابا ہار بندر گاہ کی وساطت سے ہم منافع بخش منڈیوں کی حیثیت حاصل کر سکتے ہیں اور اس راہداری کی وساطت سے دیگر ممالک کی دلچسپی کو بھی اپنی جانب کھینچ سکتے ہیں۔انہوں نے بتایا کہ چاہ بہار ٹرانزٹ راہداری کو بحرِ ہند کے ساحلوں پر واقع ممالک ، وسطی ایشیا اور افغانستان سے ملایا گیا ہے جبکہ چین اور پاکستان کے بیچ گوادر اقتصادی راہداری اس رابطے کو مکمل کرے گی۔افغان نائب وزیر مواصلات نے بھی اس موقع پر بتایا کہ تینوں ممالک سرمایہ کاری اور باہمی تعاون کے معاملات میں ایک دوسرے کے محتاج ہیں چاہ بہار راہداری سے کام کاج کے مواقع میں اضافہ ممکن ہے۔بھارتی نائب وزیر خارجہ مرتی نے بھی نقل و حمل امور میں مزید آسانیاں لانے کا ہدف بنانے کو زیر لب لاتے ہوئے کہا کہ ان تینوں ممالک کی موجودہ کوششیں انتہائی اہم ہیں۔
