سعودی عرب (مانیٹرنگ ڈیسک)وزیراعظم عمران خان دو روزہ سرکاری دورے پر سعودی عرب میں موجود ہیں جہاں وہ گزشہ شب پہنچےتھے۔ عمران خان نے سعودی عرب پہنچتے ہی مدینہ منورہ میں روضہ رسول پر حاضری دی اور مسجد نبویؐ میں وقت گزارا۔ وزیراعظم کے ساتھ ان کے وفد کے ارکان بھی مسجد نبویؐ میں ان کے ہمراہ تھے۔ وزیر اعظم نے اپنے وفد کے ہمراہ مدینہ منورہ میں گذشتہ شب روضہ رسولؐ پر
حاضری دی، نماز عشاء اور نوافل ادا کئے۔مسجد نبوی میں ملک کی ترقی ، خوشحالی اور سلامتی کیلئے وزیراعظم نے خصوصی دعائیں کیں اور اسی دوران اللہ کے حضور نمناک آنکھوں کیساتھ انتہائی رقت آمیز انداز میں دعا مانگتے ہوئے عمران خان کی تصاویر سوشل میڈیا پر وائرل ہو رہی ہیں۔ تصاویر میں عمران خان کو روتے ہوئے دعا مانگتے دیکھا جا سکتا ہے ۔ تصاویر میں اسد عمر کو بھی دیکھا جا سکتا ہے۔
