لاہور(آئی این پی)وزیر اطلاعات پنجاب فیاض الحسن چوہان نے کہا ہے کہ فوج کیخلاف بیان پر نہال ہاشمی کو گرفتار کیاجائے، اداروں کی تضحیک کسی صورت برداشت نہیں کی جاسکتی ، مسلم لیگ (ن) کی قیادت اپنے رہنماؤں سے اس طرح کے بیانات دلواتی ہے۔ نہال ہاشمی کے بیان پر ردعمل دیتے ہوئے انہوں نے کہا کہ فوج کیخلاف بیان دینے پر نہال ہاشمی
کو گرفتار کیا جائے اور آئین و قانون کی خلاف ورزی کرنے پر کاروائی کی جائے۔وہ پہلے بھی اداروں کے خلاف بیانات دے چکے ہیں۔ اداروں کی تضحیک کسی صورت برداشت نہیں کی جائے گی۔ مسلم لیگ (ن) کے دیگر رہنما بھی اس طرح کے بیانات دے چکے ہیں۔ مسلم لیگ (ن) کی قیادت اپنے رہنماؤں سے اس طرح کے بیانات دلواتی ہے۔
