صنعاء(این این آئی)یمن میں ایران نوازحوثی باغیوں کے گڑھ صعدہ میں باقم ڈاریکٹوریٹ میں سرکاری فوج اور حوثی ملیشیا کے درمیان شدید لڑائی کی اطلاعات ہیں۔ تاہ لڑائی میں حوثیوں کو بھاری جانی نقصان پہنچا ہے اور اپنے دو سینئر کمانڈروں سمیت درجنوں جنگجوؤں سے محروم ہوگئے ہیں۔یمن کے عسکری ذرائع کے مطابق باقام ڈائریکٹوریٹ ہیڈ کواٹر کو تمام اطراف سے گھیرے میں لے لیا گیا ہے۔ عمارت میں موجود باغیوں کے خلاف کارروائی جاری ہے۔ادھر

باقام میں سرکاری فوج نے عرب اتحادی فوج کی معاونت سے آل معیض اور آل الحماقی قصبوں کو باغیوں سے چھڑا لیا ہے۔ اس علاقے میں باغیوں کے کئی اسلحہ مراکز، فوجی گاڑیاں اور دیگر جنگی آلات تباہ کردیے گئے ہیں۔ذرائع کا کہنا ہے کہ حوثی ملیشیا کو باقم ڈاریکٹوریٹ میں لڑائی کے دوران بھاری جانی نقصان اٹھانا پڑا ہے۔ سیکڑوں حوثی جنگجو زخمی ہوئے ہیں۔ ہلاک ہونے والوں میں تنظیم میں اسلحہ اورسامان سپلائی کے انچارج ابو غلاف او ابو فائز بھی شامل ہیں۔

موضوعات:یمن،حوثی ملیشیا،صعدہ،ہلاکتیں