لاہور (این این آئی) قومی احتساب بیورو (نیب ) نے مسلم لیگ (ن) کے رہنما و سابق چیئرمین متروکہ وقف املاک بورڈ صدیق الفاروق کیخلاف بھی تحقیقات شروع کر دیں ۔ ذرائع کے مطابق سابق چیئرمین متروکہ وقف املاک بورڈ صدیق الفاروق بھی نیب لاہور کے ریڈار پر آگئے ہیں اور
ان کے خلاف متروکہ وقف میں غیر قانونی بھرتیوں اور آمدن سے زائد اثاثوں کی تحقیقات شروع کر دی گئی ہیں ۔ نیب نے متروکہ وقف سے صدیق الفاروق کے دور میں ہونے والی بھرتیوں کا ریکارڈ طلب کر لیا ،انکے ذرائع آمدن اور دیگر کاروباری تفصیلات بھی طلب کی گئی ہیں۔
