اسلام آباد(آئی این پی)کراچی الیکٹرک پاور کمپنی کے کتنے فیصد شیئر کس ملک کو دیے جا رہے ہیں؟ وزیراعظم عمران خان نے اجازت دیدی وزیراعظم عمران خان کے دورہ چین سے قبل حکومت نے کراچی الیکٹرک کے 66.4 فیصد شیئر ز خریدنے کیلئے شنگھائی الیکٹرک پاور کمپنی(ایس ای پی) کو باضابطہ اجازت دیدی۔ وزیراعظم دورہ بیجنگ میں 3نومبر کو باقاعدہ چینی حکومت کو آگاہ کر دینگے۔

ایس ای پی یہ شیئرز میسرز ابراج سے 1.77بلین ڈالر میں خریدیگی۔ باخبر ذرائع کے مطابق وزیراعظم پاکستان کے دورہ چین سے قبل وزارت خزانہ کی درخواست پر حکومت پاکستان نے کراچی الیکٹرک پاور کے66.40فیصد خریدنے کیلئے شنگھائی الیکٹرک پاور کمپنی(ایس ای پی) کو اجازت دینے کا فیصلہ کر لیا ہے۔ وزیرخزانہ اسد عمر نے یہ ٹاسک نیشنل سیکیورٹی سرٹیفکیٹ کی منظوری کیلئے وزیراعظم کے مشیرکامرس ٹیکسٹائل انڈسٹری عبد الرزاق داؤ،سیکرٹری پاور،سیکرٹری پٹرولیم،چیئرمین ایف بھی آر اور آڈیٹرجنرل پاکستان کے سپرد کیا ہے اور ہدایت جاری کی ہے کہ 25اکتوبر 2018سے قبل اس ٹاسک کو مکمل کر کے اپنے تحفظات اور ہدایات ارسال کریں۔ ذرائع کا کہنا ہے کہ حالیہ دنوں میں شنگھائی الیکٹرک پاور کے وفد نے صدر پاکستان عارف علوی سے ملاقات کی اور حکومت پاکستان کو اس مسئلے سے نمٹنے کیلئے اپنی خدمات پیش کرنے کا عندیہ دیا ہے۔ذرائع کا کنہا ہے کہ کے ای ایس سے کے تمام شیئرز ہولڈز 28اکتوبر2018کو اس معاملے پر ایس ای پی کے وفد کے ساتھ بیٹھک کرینگے۔