اسلام آباد (نیوز ڈیسک) وزیراعظم عمران خان نے گزشتہ روز نیا پاکستان ہاؤسنگ سکیم کا اعلان کر دیا ہے، اس بارے میں سینئر صحافی خوشنود علی خان نے کہا کہ وزیراعظم نے ہاؤسنگ سکیم کا اعلان کیا ہے مگر اب یہاں بلڈر مافیا آ جائے گا، سینئر صحافی خوشنود علی خان نے وزیراعظم عمران خان کو متنبہ کرتے ہوئے کہا کہ اس منصوبے میں پرائیویٹ پارٹنرز کو شامل نہیں کرنا چاہیے، انہوں نے کہا کہ اگر ملک ریاض کی بات کی جائے تو میری معلومات کے مطابق

وہ حکومت کا ساتھ کبھی نہیں دیں گے۔ سینئر صحافی نے کہا کہ ملک ریاض اپنے پراجیکٹس پر کام کریں گے ویسے بھی ان کے ساتھ جو کچھ اب ہو رہا ہے اس کے بعد وہ کبھی بھی کسی حکومت کا ساتھ نہیں دیں گے، انہوں نے کہا کہ اگر ملک ریاض کو منصوبے میں تھوڑا ساکام دیا جائے تو وہ عوام کی فلاح و بہبود کے لیے اس کو مکمل کرکے دکھائیں گے۔واضح رہے کہ گزشتہ روز وزیرِاعظم عمران خان نے نیا پاکستان ہا ؤ سنگ اتھارٹی بنانے کا اعلان کرتے ہوئے کہا کہ پچاس لاکھ گھر ہمارا ٹارگٹ ہیں جو پانچ سالوں کے اندر بنائے جائیں گے، یہ ہا ؤ سنگ اتھارٹی ون ونڈو آپریشن دے گی اور اسے میں مانیٹر کروں گا جبکہ ہا ؤ سنگ سکیم میں پرائیویٹ پبلک پارٹنرشپ بھی کریں گے، ہا ؤ سنگ سکیم منصوبے سے نوجوانوں کو روزگار ملے گا،ملک میں خوشحالی لے کر آئے گی، اس منصوبے کے ساتھ 40 صنعتوں کا تعلق ہے جو چلیں گی،لانہ 10 ارب ڈالرز کی منی لانڈرنگ ہو رہی ہے، اگر ملک میں منی لانڈرنگ کو روکا جاتا تو قرضوں کے پیچھے نہ جانا پڑتا،ہمیں قرضوں کی قسطیں واپس کرنے کے لیے پیسہ چاہیے، مملکت کا نظام چلانے کیلئے ہمارے پاس دو راستے تھے، ایک راستہ دوست ممالک کی مدد اور دوسرا آئی ایم ایف ہے۔ تاہم لوگ ایسے بتا رہے ہیں جیسے کوئی قیامت آ گئی ہے، اصلاحات کے اثرات چھ ماہ بعد آئیں گے، ہم اپنے اداروں کو ٹھیک کر رہے ہیں۔یاد رہے کہ نیا پاکستان ہاؤسنگ سکیم میں رجسٹریشن فارم بھی نادرا کی ویب سائٹ پر اپ لوڈ کر دیا گیا ہے۔