لاہور (مانیٹرنگ ڈیسک) صوبائی وزیر میاں محمود الرشید کے بیٹے کو گرفتار کرنے والے تین پولیس اہلکار اس وقت کہاں ہیں اس حوالے سے بات کرتے ہوئے نجی ٹی وی چینل کے ایک پروگرام میں ن لیگ کی رہنما عظمیٰ بخاری نے کہا کہ جن پولیس اہلکاروں نے تحریک انصاف کے رہنما اور صوبائی وزیر برائے ہاؤسنگ محمود الرشید کے بیٹے کو گرفتار کیا وہ غائب ہیں اور ان کے فون بھی بند جا رہے ہیں۔ عظمیٰ بخاری نے پروگرام میں گفتگو کرتے ہوئے کہا کہ صوبائی وزیر محمود الرشید
کا بیٹا پکڑا جاتا ہے اس کی سی سی ٹی وی فوٹیج بھی موجود ہے اور جن تین اہلکاروں نے اس کو گرفتار کیا وہ بھی غائب ہیں ان کے نمبرز بھی بند ہیں۔ عظمیٰ بخاری نے کہا کہ میں نے خود پتا کیا ہے اور آپ بھی چیک کر سکتے ہیں، اس موقع پر انہوں نے کہا کہ میں اس بات کو چیلنج کر سکتی ہوں، آپ چیک بھی کر لیں کہ محمود الرشید نے کہا تھا کہ ان کا بیٹا اور وہ تمام لڑکے شامل تفتیش ہوں گے مگر ان لوگوں میں سے کوئی بھی کسی تھانے میں جا کر شامل تفتیش نہیں ہوا۔
