لندن(نیوزڈیسک)50لاکھ مکانوں کی تعمیر کیسے ہوگی؟ وزیراعظم عمران خان اس کے ساتھ ہی تمام ہاؤسنگ پراجیکٹس اوربینکنگ قوانین میں کیا تبدیلی کرنیوالے ہیں؟ وزیراعظم کے قریبی دوست انیل مسرت کے چونکادینے والے انکشافات، تفصیلات کے مطابق وزیراعظم عمران خان کے برطانوی نژاد پاکستانی تاجر دوست انیل مسرت نے حکومت کی جانب سے پچاس لاکھ مکانوں کی تعمیر کے حوالے سے حیرت انگیز انکشافات کئے ہیں ان کا کہنا ہے کہ وزیراعظم عمران خان نہ صرف پچاس لاکھ

مکانوں کی تعمیر کے پراجیکٹ کا اعلان آئندہ ہفتے کررہے ہیں بلکہ اس کے ساتھ ساتھ ہاؤسنگ پراجیکٹس اور بینکنگ قوانین میں بھی بڑی تبدیلیوں کا اعلان کریں گے، قومی روزنامے کی رپورٹ کے مطابق انیل مسرت نے ہم پانچ ملین مکان تعمیر کرکے وزیراعظم کے ویژن کو عملی شکل دینے میں ان کی مدد کریں گے جس سے پاکستان کو فائدہ ہوگا اور کم از کم چھ لاکھ بیروزگاروں کو ملازمت کے مواقع فراہم ہونگے انہوں نے کہا کہ ان مکانوں کی تعمیر کے لئے تمام اشیاء پاکستان میں ہی تیار کی جائیں گی جس سے بند صنعتیں کھل جائیں گی اور تجارتی سرگرمیوں میں بڑا اضافہ ہوگا انیل مسرت نے انکشاف کیا کہ ان کی برطانیہ اور یورپ میں رئیل سٹیٹ سیکٹرمیں پانچ بلین پونڈ کی بینک ٹرانزیکشنز ہیں جس کے تمام ثبوت موجود ہیں اور وہ مزید9ہزار مکان تعمیر کروارہے ہیں جن پر دو بلین پونڈ لاگت آئے گی انہوں نے دعویٰ کیا کہ وہ اوسطاً برطانیہ میں پندرہ ہزار مکان سالانہ تعمیر کرارہے ہیں انیل مسرت نے کہا کہ میرا پاکستان میں کاروبار کا کوئی ارادہ نہیں میں صرف یورپ میں ہی اپنے منصوبے مکمل کرنا چاہتاہوں امید ہے کہ پچاس لاکھ مکانات کی تعمیر کا منصوبہ شروع ہونے سے دس ہزار ڈیولپرز پاکستان جائیں گے انہوں نے انکشاف کیا کہ ہاؤسنگ سیکٹر کے حوالے سے مارگیج اور قرض کی فراہمی سمیت دیگر معاملات کے حوالے سے نئے قوانین بنائے جائیں گے اور قواعد و ضوابط میں اصلاحات بھی کی جائیں گی۔