لندن (آئی این پی )اسکاٹ لینڈ یارڈ نے مریم نواز کے صاحبزادے جنید صفدر اور حسین نواز کے صاحبزادے ذکریا شریف کے خلاف کاروائی نہ کرنے کا فیصلہ کرلیا۔ منگل کو اسکاٹ لینڈ یارڈ نے مریم نواز اور حسین نواز کے بیٹوں کے خلاف کاروائی نہ کرنے کا فیصلہ کیا ہے۔

اسکاٹ لینڈ یارڈ نے موقف دیا ہے کہ جنید اور زکریا خود کو بچاتے ہوئے لڑائی کا حصہ بنے۔ واضح رہے کہ جنید صفدر اور زکریا شریف کا 12جولائی کو پاکستان تحریک انصاف کے کارکنوں سے جھگڑا ہوا تھا۔ جھگڑے کے بعد جنید اورذکریا کو وقتی طور پر گرفتار کرلیا گیا تھا۔