اسلاآباد(آئی این پی ) تھانہ آبپارہ پولیس نے کارروائی کے دوران 2 جعلی آرمی آفیسرز کو گرفتار کرلیا، ملزمان سے لگژی گاڑی،ریوالونگ لائٹ اور آرمی کے سٹکرز برآمد کر لئے ۔ تفصیلات کے مطابق پیر کو تھانہ آبپارہ پولیس نے کارروائی کے دوران 2 جعلی آرمی آفیسرز کو گرفتار کرکے مقدمہ

درج کر لیا ۔ ملزم قاسم آفریدی اور سجاد حسین سے سرکاری سائرن بھی برآمد کر لیا گیا،ملزمان جس لگڑری گاڑی پر سوار تھے یہ ملزمان کی ذاتی ملکیت ہے،ملزمان سے لگڑری گاڑی،ریوالونگ لائٹ اور آرمی کے سٹکرز برآمد کر لئے۔ملزمان کو تھانے منتقل کر کے مزید تفتیش کی جا رہی ہے۔