لاہور( شوبز ڈیسک)فلمسٹار ثناء نے کہا ہے کہ ہمیں اپنا ناممہذب معاشروں کی فہرست میں شامل کرانے کیلئے قوانین کی پاسداری کرنا ہو گی ،کوئی بھی قانون سے بالا تر نہیں ہونا چاہیے ، کرپشن ایک ناسور ہے جسے جڑ سے اکھاڑ پھینکنے کیلئے ایمر جنسی کا نفاذ کرنے کی ضرورت ہے ۔ ’’ این این آئی ‘‘سے خصوصی گفتگو کرتے ہوئے اداکارہ نے کہا کہ فلم ، ٹی وی اور اسٹیج ایسے
پلیٹ فارم ہیں جن سے معاشرے کی اصلاح کا کام لیا جا سکتا ہے لیکن اس کیلئے ضروری ہے کہ حکومت پالیسی بنائے اور ایسے پراجیکٹ تیار کئے جائیں جن میں تعلیم کا شعور ، قوانین سے آگاہی اور خصوصاً کرپشن کے خاتمے کیلئے اسکرپٹس ترتیب دئیے جائیں۔ ثناء نے کہا کہ پوری قوم چاہتی ہے کہ پاکستان میں مثبت تبدیلی آئے اور اس کیلئے نئی حکومت سے امیدیں وابستہ کئے ہوئے ہے۔
