ممبئی(شوبز ڈیسک) بالی ووڈ اداکارہ انوشکا شرما نے کہا ہے کہ والد اور بھائی نے ہمیشہ ہر قدم پر میری بہت حوصلہ افزائی کی جس پر ان کی شکر گزار ہوں۔ایک انٹرویو میں بالی ووڈ اداکارہ انوشکا شرما نے کہا کہ میری فلم سوئی دھاگہ کی خوبصورتی یہ ہے کہ مامتا کا کردار ایک ایسے پس منظر سے تعلق رکھتا ہے جہاں تعلیم کا تصور نہیں ہوتا اور نہ ہی مواقع فراہم کئے جاتے ہیں اس سب کے باوجود وہ ذہین اور

روشن خیالات رکھتی ہے اور فیملی کو مشکلات سے نکالنے کیلئے مدد کرتی ہے جس میں اس کا شوہر ساتھ دیتا اور اس کا حوصلہ بڑھاتا ہے۔انہوں نے کہا کہ میرا خیال ہے کہ کسی کو بھی اور خاص طور پر عورت کو گھر میں مرد حضرات کے تعاون اور حوصلے کی اشد ضرورت ہوتی ہے ۔ انہوں نے کہا کہ میرے معاملے میں میرے والد اور بھائی نے ہر قدم پر بہت زیادہ حوصلہ افزائی کی جس پر ان کی شکرگزار ہوں۔