اسلام آباد(مانیٹرنگ ڈیسک) سپریم کورٹ نےجہانگیر ترین کی تاحیات نااہلی کا فیصلہ برقرار رکھتے ہوئے نظرثانی اپیل کو مستر دکردیا ہے ۔ تاہم ابھی انکشاف ہو اہے کہ تحریک انصاف کے رہنما جہانگیر ترین وزیراعظم ہائوس کےلائیو اسٹاک ایمرجنسی ورکنگ گروپ کے کنوئیر بن گئے ہیں اور اس سلسلے میں ہونے والی میٹنگز میں ان کی تصاویر سوشل میڈیا پر تیزی سے وائرل بھی ہو رہی ہے ۔ ذرائع کے مطابق لائیوسٹاک ایمرجنسی ورکنگ گروپ کے 100روزہ ایجنڈا پر پہلا اجلاس رواں ماہ کی 13تاریخ کو ہوا تھا جس میں

تحریک انصاف کے رہنما جہانگیر ترین نے شرکت کی تھی جس کا مقصد وزیراعظم عمران خان کے اعلان کے مطابق نتائج میں سو فیصد یقینی منصوبہ بندی تھا۔ تحریک انصاف کے 100روزہ پلان کو عمل جامہ پہنانے کیلئے منشور کے مطابق نتائج حاصل کرنے کیلئے 7ضمنی گروپس بنائے جائیں گے ۔ ضمنی گروپس کے ممبران کی فہرست جلد ازجلد وزیراعظم سیکریٹریٹ میں جمع کرائی جائے گی جبکہ وزیراعظم کی اصلاحاتی کمیٹی کے ممبر کو ہدایت کی گئی ہے کہ وہ ان اراکین کے درمیان رابطوں کیلئے ایک واٹس ایپ گروپ تشکیل دیں۔