اسلام آباد(مانیٹرنگ ڈیسک)وزیراعظم ہائوس کی بھینسوں کی نیلامی کا عمل مکمل، تمام بھینسیں نیلام کر دی گئیں، 23لاکھ2زار میں 8بھینسوں کو فروخت کر دیا گیا۔ تفصیلات کے مطابق وزیراعظم ہائوس کی بھینسوں کی نیلامی کا عمل مکمل کر لیا گیا ہے اور تمام بھینسیں نیلام کر دی گئی ہیں۔ وزیراعظم ہائوس کی 8بھینسیں مجموعی طور پر 23لاکھ 8ہزار روپے میں فروخت کی گئی ہیں۔
نجی ٹی وی رپورٹ کے مطابق وزیراعظم ہائوس کی بھینسوں کی نیلامی کا عمل ایک گھنٹے 20منٹ میں مکمل ہوا۔ پہلی بھینس 3لاکھ 85ہزار روپے میں فروخت ہوئی جبکہ تین بھینسیں نیلامی کیلئے پیش کی گئی تھیں جن میں سے دوسری بھینس 3لاکھ روپے میں اور تیسری بھینس تین لاکھ 30ہزار روپے کی فروخت ہوئی۔ان کے ساتھ چارکٹیاں بھی فروخت کی گئی ہیں جن میں سے ایک 3لاکھ پانچ ہزار، دوسری دو لاکھ 70ہزار ، تیسری دو لاکھ 15ہزار اور چوتھی کٹی ایک لاکھ 82ہزار میں نیلام ہوئیں جبکہ کٹے کی بھی حیران کن طور پر نیلامی بھاری قیمت 3لاکھ 15ہزار روپے میں عمل میں آئی۔ یوں مجموعی طور پر آٹھوں جانور 23لاکھ دو ہزار میں نیلام ہوئے۔ ن لیگی کارکنوں کی بڑی تعداد اس موقع پر نیلامی میں شرکت کیلئے موجود تھی اور خریداروں میں سے کسی نے مریم نواز سے محبت کی وجہ سے بھینس خریدی جبکہ اس موقع پر چند خریداروں نے تحریک انصاف کی کفایت شعاری اور قومی خزانے کو فائدہ دینے کیلئے بھینسوں کی قیمت زیادہ لگائی۔بولی کے دوران بد نظمی بھی دیکھنے میں آئی۔خریدار اور بولی لگانے والے آپس میں الجھ پڑے ۔نجی ٹی وی کے مطابق وزیراعظم ہاؤس میں آٹھ بھینسوں کی نیلامی جاری ہے جس میں دو فروخت بھی ہو گئی ہیں تاہم خریداروں نے شکوہ کیا۔بھینسوں کی اتنی قیمت نہیں جتنی لگائی جارہی ہے ، اس موقع پر وزیراعظم ہاؤس میں بھینسوں کی بولی لگانے والے عملے نے کہا ہے کہ یہ اوپن بولی ہے جس نے بھینس لینی ہے لے ورنہ واپس چلا جائے ، خریدار کو نقد رقم بھی ادا کرنا ہو گی ۔بھینسوں کی نیلامی کے دوران خریداروں اور بولی لگانے والے عملے کے دوران نوک جھونک بھی دیکھنے میں آئی۔
