اسلام آباد(مانیٹرنگ ڈیسک)آئی پی پیز کی بجلی پیداوار بند کرنے کی دھمکی، حکومت کا گردشی قرضوں کی مد میں 50ارب روپے فوری ادا کرنے کا فیصلہ، حکومت نےگردشی قرضوں کی ادائیگی کے لیے 50 ارب روپے 8 پاکستانی بنکوں سے قرض لیے ، ذرائع۔ تفصیلات کے مطابق حکومت نے گردشی قرضوں کی مد میں 50ارب روپے فوری طور پر آئی پی پیز کو ادا کرنے کا فیصلہ کیا ہے۔نجی ٹی وی جیونیوزنے اپنی رپورٹ میں دعویٰ کیا ہے کہ ذرائع وزارت خزانہ کے مطابق
50 ارب روپے جاری کرنے کا فیصلہ آئی پی پیز کی طرف سے بجلی کی پیداوار بند کرنے کی دھمکی پر کیا گیا۔ذرائع کا کہنا ہے کہ محرم الحرام اور ہفتہ وار چھٹیوں کی وجہ سے ادائیگی مرحلہ وار پیر کے روز سے کی جائے گی۔ ذرائع کے مطابق پیر کے روز 34 ارب روپے وزارت توانائی کو دیئے جائیں گے جس کے بعد 16 ارب روپے رواں ماہ کے آخر میں ادا ہوں گے۔ذرائع کا کہنا ہے کہ گردشی قرضوں کی ادائیگی کے لیے 50 ارب روپے 8 پاکستانی بنکوں سے قرض لیے گئے ہیں۔
