لا ہو ر (آ ئی این پی)مسلم لیگ (ن)کی ترجمان مریم اورنگزیب نے کہا ہے کہ بیگم کلثوم نواز کی نماز جنازہ 14 ستمبر 2018 بروز جمعہ شام 5 بجے شریف میڈیکل سٹی، جاتی امرا میں ادا کی جائے گی۔ترجمان( ن) لیگ کے مطابق بیگم کلثوم نواز کے ایصال ثواب کے لئے رسم قل مورخہ 16ستمبر بروز اتوار عصر تا نماز مغرب جاتی امرا میں ہو گی۔خیال رہے کہ کئی ماہ سے کینسر کے عارضے میں مبتلا سابق خاتون اول گزشتہ روز لندن میں 68 برس کی عمر میں انتقال کر گئی تھیں۔بیگم کلثوم نواز کی تدفین اور
آخری رسومات میں شرکت کے لیے نواز شریف، مریم اور کیپٹن ریٹائرڈ صفدر کو پیرول پر رہائی دی گئی ہے جب کہ شہباز شریف کلثوم نواز کی میت کو لینے کے لیے لندن روانہ ہو گئے ہیں۔ سابق خاتون اول بیگم کلثوم نواز کا انتقال منسٹر سٹی کونسل میں رجسٹر کروادیا گیا ، این او سی کے اجراء کے بعد میت کو پاکستان لایا جائے گا ۔ بدھ کو ریجنٹ پارک فیونرل سروس کے مطابق کلثوم نواز کا انتقال ویسٹ منسٹر سٹی کونسل میں رجسٹر کرایا گیا ہے ۔ کلثوم نواز کا ڈیتھ سرٹیفکیٹ ویسٹ منسٹر سٹی کونسل نے جاری کیا ہے
