اسلام آباد (نیوز ڈیسک) معروف صحافی سہیل وڑائچ نے اپنے کالم میں کہا کہ سیدھی سادی بات یہ ہے کہ عوام خان کے لیے آسانیاں پیدا نہ ہوئیں اور عسکری خان نے معاشی مشکلات کو بڑھتے دیکھا تو جان لیجئے حکومت کے پاؤں اکھڑ جائیں گے۔ معروف صحافی نے ٹوئٹر پر اپنا کالم ’’سارا بوجھ اسد عمر پر ہے‘‘ شیئر کرتے ہوئے کہا کہ سیدھی سادی بات یہ ہے کہ عوام خان کے لیے آسانیاں پیدا نہ ہوئیں اور عسکری خان نے معاشی مشکلات کو بڑھتے دیکھا تو یقین جان لیجئے حکومت کے پاؤں اکھڑ جائیں گے،

عوام خان نے توقعات اس قدر باندھ لی ہیں کہ سب کو پورا کرنا تو ناممکن ہو گا۔ انہوں نے اپنے کالم میں کہا کہ عمران حکومت کی کامیابی یا ناکامی کا بوجھ وزیر خزانہ اسد عمر کے لمبے قد اور ناتواں کندھوں پر آ گیا ہے، اگر تو وہ ملک کو اقتصادی بھنور سے نکلنے کا راستہ دکھا پاتے ہیں تو واہ واہ، عمران حکومت چل پڑے گی لیکن اگر وہ اس بوجھ سے دب کر کنفیوژ رہتے ہیں، فیصلہ نہیں کر پاتے یا پھر غیر ضروری تاخیر کرتے ہیں تو جان لیجئے گا کہ موجودہ حکومت اپنا امتحان پاس نہیں کر پائی۔