فیصل آباد(نیوز ڈیسک) فاسٹ باو¿لر محمد عامر نے ڈومیسٹک کرکٹ میں شاندار کارکردگی دکھا کر آئندہ سال ہونے والے ورلڈ ٹی ٹوئنٹی کے لیے قومی ٹیم میں شمولیت کو اپنا ہدف بنا لیا ہے۔ میڈیا سے گفتگو کرتے ہوئے محمد عامر نے کہا کہ میں میچ میں باو¿لنگ کر کے بہت لطف اندوز ہوا اور اتنی جلدی وکٹ لینا بہت بہترین لمحہ تھا۔ عامر نے کہا کہ میری توجہ آئندہ سال انڈیا میں ہونے والے ورلڈ ٹی ٹوئنٹی کیلئے قومی ٹیم میں واپسی پر مرکوز ہے۔ بائیں ہاتھ کے فاسٹ باو¿لر نے گزشتہ ماہ پیٹرنز ٹرافی میں شرکت کر کے 22 وکٹیں حاصل کی تھیں۔ عامر پر عائد کی گئی پابندی کا خاتمہ ستمبر میں ہونا ہے لیکن انٹرنیشنل کرکٹ کونسل نے ان کے رویے کو مدنظر رکھتے ہوئے رواں سال جنوری میں ان کی سزا میں نرمی کرتے ہوئے ڈومیسٹک مقابلوں میں شرکت کی اجازت دے دی تھی۔ یہ فیصلہ پاکستان کرکٹ بورڈ کی جانب سے کرکٹ کی عالمی گورننگ باڈی کو کی گئی درخواست کے بعد سامنے آیا تھا جس میں عامر کی سزا کم کرنے کی استدعا کی گئی تھی۔ ستمبر میں عامر کی پابندی کے خاتمے کے بعد پی سی بی ان کی ٹیم میں شمولیت کے حوالے سے فیصلہ کرے گی۔ پابندی کے وقت عامر دنیا کے بہترین باو¿لرز میں سے ایک تھے اور انہوں نے ٹیسٹ، ایک روزہ اور ٹی 20 میچوں میں بالترتیب 51، 25 اور 23 وکٹیں حاصل کی تھیں۔

مزید پڑھئے:دولہا کے گلاب جامن کھانے پر دولہن نے شادی سے انکار کر دیا