پشاور(این این آئی)صدارتی انتخابات،عارف علوی،اعتزاز احسن اور مولانا فضل الرحمان کے بعدصدارت کا چوتھا امیدواربھی منظر عام پرآگیا،کاغذات نامزدگی جمع کرادئیے ،صدارتی انتخابات کیلئے مہمندایجنسی سے تعلق رکھنے والے آزادامیدوار میرافضل نے کاغذات نامزدگی جمع کرادئیے ۔پاکستان کے صدرکے انتخاب کیلئے چار ستمبرکوالیکشن ہورہاہے جس کے لئے پی ٹی آئی کے
عارف علوی،پیپلزپا رٹی سے چوہدری اعتزازاحسن اور دیگرحزب اختلاف کی جماعتوں سے مولانافضل الرحمن نے کاغذات نامزدگی جمع کرائے ہیں دوسری جانب صدارتی انتخابات میں حصہ لینے کیلئے مہمندایجنسی سے تعلق رکھنے والے آزادامیدوارمیرافضل نے کاغذات نامزدگی ریٹرنگ آفیسر کے پاس جمع کرادئیے ہیں کاغذات نامزدگی جمع کرانے کی آخری تاریخ27اگست تھی۔
