لندن (نیوز ڈیسک) انگلش ویمن کرکٹ ٹیم میں شامل کیٹ کراس نے مینز لیگ کے میچ میں شاندار پرفارمنس سے ثابت کردیا کہ وہ بھی مرد کھلاڑیوں سے کم نہیں ہیں۔ کیٹ گزشتہ ماہ ہی سینٹرل لنکا شائر لیگ فکسچر ٹورنامنٹ کیلئے مینز ٹیم میں شامل ہوئیں تھیں۔ لیگ کی123سالہ تاریخ میں یہ پہلا موقع ہے کہ جب کسی خاتون پلیئر کو مینز لیگ میں کھیلنے کا موقع ملا۔ اس میچ میں کیٹ کراس نے ہے ووڈ کی جانب سے کھیلتے ہوئے انسورتھ کیخلاف 47رنز کے عوض آٹھ وکٹس لے کے اپنے کیریئر کی بہترین پرفارمنس دی۔ اس میچ میں ہے ووڈکو6وکٹس سے کامیابی ملی۔ کیٹ لنکاشائر ویمن کی جانب سے کھیلتی ہیں اور انہوں نے مینز لیگ کے ڈیبیو میچ میں بھی کلفٹن کیخلاف ہے ووڈ کو کامیابی دلوانے میں تین وکٹس کے ذریعے اہم کردار کیا تھا۔