اسلام آباد(مانیٹرنگ ڈیسک)شیخ رشید کے پاس کتنی بلٹ پروف گاڑیاں نکلیں؟خود ہی سب کچھ بتا دیا۔ تفصیلات کے مطابق میڈیا سے گزشتہ روز گفتگو کرتے ہوئے شیخ رشید احمد سےایک صحافی نے سوال پوچھاکہ ان کے پاس کتنی ذاتی بلٹ پروف گاڑیاں ہیں جس پر جواب دیتے ہوئے شیخ رشید احمد کا کہنا تھا کہ میں نہیں چاہتا تھا کہ یہ سب بتائوں کیونکہ میں اسے قابل فخر نہیں سمجھتا مگر

میرے پاس ڈکلیئرڈ دو بلٹ پروف گاڑیاں ہیں جو کہ میں نے وزارت ملنے کے بعد ان پر جھنڈے لگوانے کیلئے بھیجی ہوئی ہیں۔ جیسے ہی وہ گاڑیاں آئیں گی میں وزارت کی گاڑیاں چھوڑ دوں گا۔ اس موقع پر صحافیوں نے شیخ رشید سے وہاں سکیورٹی پر معمور پولیس اہلکاروں کی بابت سوال کیا تو شیخ رشید احمد کا کہنا تھا کہ یہ پولیس والے آپ لوگوں کی سکیورٹی کیلئے تعینات ہیں میرے لئے نہیں ہیں ۔