آبشار کا تصور آتے ہی انسان کے دل و دماغ پر فرحت چھا جاتی ہے۔ بلندی سے گرتا ہوا پانی اور ٹھنڈک کا احساس انسان کو کسی اور ہی دنیا میں لے جاتا ہے۔ سوال یہ پیدا ہوتا ہے کہ آخر آبشار ہے کیا ٗ یہ کیسے بنتی ہے ؟ جب دریا کے راستے میں نرم و سخت چٹانوں کی افقی تہیں یکے بعد دیگرے واقع ہوں نیز ان کی موٹائی بھی زیادہ نہ ہو تو دریا نرم چٹانوں کو اپنے تیز بہاؤ کی وجہ سے پہلے کاٹ ڈالتاہے چنانچہ نرم وسخت چٹانوں کا سیڑھی دار سلسلہ وجود میںآتا ہے جس پر دریا کچھ دور بہتا پھر کودتا اور پھر بہتا ہے‘ دریا کے اس طرح کے بہاؤ کوآبشیب کہتے ہیں اگر چٹانوں کی موٹائی زیادہ اور نرم چٹانیں کٹ جائیں اور سخت چٹانیں اپنی جگہ باقی رہیں تو پانی ایک چادر کی شکل میں بلندی سے گرتا ہے اسے آبشار عربی میں شلال اور انگریزی میںWater fall کہا جاتا ہے۔ کسی دریا کے سفر میں یکے بعد دیگرے کئی آبشاریں بھی آ جاتی ہیں یہ سلسلہ آبشار یا آب شرشرکہلاتے ہیں جس جگہ پر آبشار گرتی ہے وہاں گڑھا بن جاتا ہے جسے انگلش میں Pot Holeکہا جاتا ہے۔ذیل میں دنیا کی چند بڑی آبشاروں کا تعارف پیش کیا جا رہا ہے:
اینجل آبشار:
