اسلام آباد،کراچی (سی پی پی)پاکستان تحریک انصاف کے رہنما فواد چوہدری نے کہاہے کہ ابھی راجہ یاسر یا کوئی اور وزیراعلیٰ پنجاب کیلئے امیدوار نہیں ہے ۔تفصیلات کے مطابق فواد چوہدری کا کہناتھا کہ وزیراعلی پنجاب کون ہوگا ؟ اس کا فیصلہ عمران خان نے کرناہے کیونکہ پارلیمانی پارٹی نے وزیراعلیٰ پنجاب کیلئے نام کے اعلان کا اختیار عمران خان کو دیاہے ۔ ابھی راجہ یاسر یا کوئی اور وزیراعلی پنجاب کیلئے امیدوار نہیں ہے
۔واضح رہے کہ ا س سے پہلے خبر آ ئی تھی کہ راجا یاسر ہمایوں وزار ت اعلی پنجاب کے امیدواروں میں شامل ہو گئے ہیں۔ادھر پیرپگارا سمیت جی ڈی اے رہنماؤں سے ملاقات کے لیے پی ٹی آئی رہنما شاہ محمود قریشی اور جہانگیر ترین کراچی پہنچ گئے۔ذرائع کے مطابق پی ٹی آئی رہنما جی ڈی اے کے سربراہ پیر پگارا سے ملاقات کریں گے،جبکہ پیر پگارا نے پی ٹی آئی سے اتحاد کو 3شرائط سے منسوب کر دیاہے۔
