اسلام آباد (مانیٹرنگ ڈیسک )حلقہ این اے 108میں دوبارہ گنتی کیلئے عابد شیر علی کی درخواست لاہور ہائیکورٹ میں سماعت کیلئے منظور، الیکشن کمیشن کو فرخ حبیب کی کامیابی کا نوٹیفکیشن جاری کرنے سے روک دیا گیا۔ تفصیلات کے مطابق حلقہ این اے 108میں دوبارہ گنتی کیلئے عابد شیر علی کی درخواست لاہور ہائیکورٹ میں سماعت کیلئے منظور کرتے ہوئے الیکشن کمیشن کو پی ٹی آئی کے فرخ حبیب کی کامیابی کا نوٹیفکیشن جاری کرنے سے روک دیا گیا ہے۔

لاہور ہائیکورٹ کے جسٹس شاہد کریم نے درخواست کے حوالے سے سماعت کرتے ہوئے حکم دیا ہے کہ تک پٹیشن کافیصلہ نہیں آجاتا اس وقت فرخ حبیب کی کامیابی کا نوٹیفکیشن جاری نہ کیا جائے ۔خیال رہے کہ عابد شیر علی نے آر او کی عدالت میں بھی دوبارہ گنتی کی درخواست دی تھی جسے منظور کر لیا گیا تھا جس پر ددوبارہ گنتی کروائی گئی تھی اور اس میں بھی عابد شیر علی کو شکست کا سامنا کرنا پڑ اتھا جبکہ فرخ حبیب کامیاب قرار پائے تھے۔